AAJ Phir Barasat hui to MERA man bechain Ho pada. Mere man mein unko dekhne Ki tadap fir SE lag gayi. Main Bahut Rok RAHA tha apne aap Ko par, HAR thodi der baad MERA man reh-reh kar uske khyalo mein kho RAHA tha. Aur Shaam dhalte he mere Ghar Ki Taraf utthte hue Kadam, Uska didaar Karne k liye mudd Gaye.
Baarish Ki bundo SE bachta hua main uske Ghar k Saamne pahuch Gaya. Waha Ek purana Bahut Ghana neem KA ped tha. HAR Baarish mein yeh ped he MERA saya Banta tha. AAJ Bhi uske Kamre mein Roshni Nahi thi, mere Ko laga, pichhle Ek saal SE jo intezaar kar RAHA tha WOH AAJ Bhi Rahega. Par Shayad mere Khuda Ko Kuchh Aur he manjoor tha. Abhi 15-20 minute he beete the intezaar k, k unke Kamre Ki light jal Padi. MERA dil Bahut tez dhadakne laga. Aisa lag RAHA tha k bus abhi kayamat AA jayegi, unka khoobsurat chehra Meri aankhon mein Tairne laga. Bus man he man bhagwaan SE Dua kar RAHA tha k unke Kamre Ki Khidki khul JAYE Aur unka didaar Ho jaye. Mujhe umeed Issliye thi kyonki unhe Bhi Baarish Ki HAR boond SE PYAR tha. Thodi der mein he Khidki khulne Ki awaaj hui Aur MERA man train Ki raftaar SE dhodne laga, Meri aankhen
tak-taki Lagaye bus Khidki khulne KA intezaar kar Rahi thi. Jaise he Khidki KA palla khula Mujhe laga main Kahi deedaar-e-Sanam SE mar he Na jau.
Khidki Ki jaali SE unki lehrati hui julfe bahar AA Rahi thi. Aur jaise he boondo Ko chhune k liye unki hatheli thoda bahar Aayi, main Bhi apne saaye Ki aut SE bahar nikal aaya. Thoda SA Aur aage Ki Taraf Ho kar k main jab unki Khidki k Bilkul Saamne hua to bus unki hatheli he bahar thi, unhone apna Chehra mod rakha tha. Main apne Ko Bahut Roka par mere kaanpte hue hothon SE unka naam nikal HE Gaya.
Aur bus Baarish Ki iss tez awaaj mein jaise woh Bhi Issi intezaar main baithi thi. Woh Ek dam SE Palti, Aur jaise WAQT tham Gaya.
Na to Baarish Ki awaaj, Na kisi k aane KA Dar, Na bheegne KA pata tha, Na Pitne KA Dar.
Kuchh tha to bus unka masooom chehra jo hamesha KHUSH rehta tha AAJ udaas tha. Woh Gehri Jheel SE aakhe jo hamesha Chanchal rehti thi AAJ kisi sukhe hue Talaab Ki Taraf khamosh thi.
Unke woh larajte hue hoth jo hamesha khilkhilate rehte the, AAJ kisi KAPDE Ki silayi Ki Tarah sile hue the.
MERA man hua k main chilla kar puchhu kya Ho Gaya tujhe AE MERI ZINDAGI ? par unki gairat Ko uchhalna Nahi chahta tha.
Aur jaise he Meri Aur unki najre mili, Ek pal k liye to Aisa laga k Sab theek ho Gaya hai par unhone Ek dum Khidki band kar di.
Main SOCH Bhi Nahi paya k yeh kya hua, Aur main abhi SOCH he RAHA tha k unki gallery KA darwaja khulta hua najar aaya Aur Meri saasien rukti hui.
Pehle to unki CHHOTI behen bahar Aayi usne Mujhe dekha Aur Waha SE Jane KA Ishara kiya. Maine Bhi haath jod kar unko dekhne Ki guzarish Ki. Thodi der tak Meri guzarish KA silsala chalta RAHA. Aur woh Shayad maan gayi. MERA dil ab Bahut tez dhadakne laga k ab woh qayamat ki raat itne intezaar k baad aa gayi.
Pehle unke chehra KA didaar hua Aur uske baad woh jab bahar Aayi to unhone baisakhiyon KA Sahara le rakha tha.
Main bus Sara Maajra samajh Gaya.
Aur jaise he Sab samajh mein aaya main apne ghutne k bal zameen par baith Gaya Aur Meri aakhon se pani KA sailaab beh uttha. Yahi haal unka Bhi tha. Woh Bhi apni gallery mein Khadi ro Rahi thi.
Thodi der aise he baith ne k baat Maine Faisla kiya Aur unke Ghar Ki Taraf bad kar unke Ghar Ki bell Baja di.
Aur fir agle 6 mahine unko Aur unke gharwalo Ko manane mein laga diye.
AAJ humari SHAADI Ko 5 saal Ho Gaye hai. Do khoobsurat pari Ki Tarah ladkiya hai. Aur Meri zindagi KA chehra, aakhen, Aur lab Pehle Ki Tarah chehkne Aur muskarane lag Gaye hai.
No comments:
Post a Comment